மீண்டும் இளையராஜா-வைரமுத்து கூட்டணி

'காற்றின் மொழி இசையாய்..." என்ற வரிகள் இசைக்கு கச்சிதமாகப் பொருந்தும், ஆனால் இசைக்கு எந்த மொழியும் தடையுமில்ல, பேதமுமில்லை என்பதை இசைஞானி இளையராஜா நிரூபித்திருக்கிறார்.
இவர் முதல் முறையாக மராத்தி மொழிப் படத்திற்கு இசையமைத்ததன் மூலம் மேற்சொன்ன கூற்றை உண்மையாக்கி இருக்கிறார். 'ஹலோ ஜெய்ஹிந்த்' என்ற மராத்திய மொழிப்படத்திற்கு, மொழி தெரியாவிட்டாலும், தன் இசையைக் கொடுத்து உயிரூட்டி இருக்கிறார்.

கஜேந்திரா ஆதிரே இயக்கத்தில் உருவாகும் இப்படத்தை நடிகை மற்றும் தயாரிப்பாளரான திருப்தி போயிர் தயாரிக்கிறார். பிரபல கலை இயக்குநரான நிதின் தேசாய் இப்படத்தில் பணியாற்றி இருக்கிறாராம். "ஜாம்பவான்கள்" படத்தில் இசை ஜாம்பவானான இளையராஜாவும் சேர்ந்து விட்டார்.

பாரதிராஜாவின் புதிய படத்தில் மீண்டும் இளையராஜா-வைரமுத்து கூட்டணி சேரவுள்ளது. பாராதிராஜா இயக்கும் படங்களில் மட்டுமல்ல, அக்காலகட்டத்தில் வரும் பெரும்பாலான படங்களுக்கு இசைஞானி இளையராஜா இசையமைப்பார், வைரமுத்து பாடல் எழுதுவார்.

ஒரு காலத்தில் இவர்களது கூட்டணி திரையுலகில் அசைக்க முடியாத கூட்டணியாக இருந்தது. சில விரும்பத்தகாத நிகழ்வுகளால் இளையராஜாவும் வைரமுத்துவும் பிரிந்து போயினர். அதன் பிறகு இருவரும் சேர்ந்து பணியாற்றவில்லை.

அவர்களை இணைக்க பல இயக்குநர்கள் முயன்றும் முடியவில்லை. தற்போது பாரதிராஜா அந்த முயற்சியை கையிலெடுத்திருக்கிறார். இவர் புதிதாக இயக்கவிருக்கும் 'அன்னக் கொடியும் கொடி வீரனும்' என்ற படத்தில் இவர்கள் இருவரும் இணைவார்கள் என்று அறிவித்திருந்தார்.

ஆனால் இவருடைய முயற்சியும் பலிக்குமா? என்று தெரியவில்லை. பாராதிராஜாவின் அழைப்பினை இவர்கள் ஏற்றாலும், இவர்களுக்குள் இருக்கும் பழைய உணர்வுகள் இன்னும் நீங்கவில்லை போலும். அதனால் அவர்கள் மீண்டும் இணைவார்களா? என்பது கேள்விக்குறியாகவே உள்ளது

இணைவார்கள் வெற்றியும் பெறுவார்கள் வாழ்த்துக்கள்