கொரியாவில் 15,000 பேருக்கு வேலைவாய்ப்பு:

by **நண்பன்** on Tue 9 Aug 2011 - 4:54

கொரியாவில் 15,000 பேருக்கு வேலைவாய்ப்பு:
விண்ணப்பங்களை பெற்றுக்கொள்ள ஆயிரக்கணக்கானோர் முண்டியடிப்பு
கொழும்பு பொலிஸ் மைதானத்தில் வேலைவாய்ப்பு தேடும் இளைஞர், யுவதிகள் திரள்
கட்டுப்படுத்த முடியாது பொலிஸ் திண்டாட்டம்; போக்குவரத்து ஸ்தம்பிதம்
கே. அசோக்குமார், லோரன்ஸ் செல்வநாயகம்
2012ஆம் ஆண்டு 15,000 இலங்கை இளைஞர் யுவதிகளை தென்கொரியாவுக்கு வேலைவாய்ப்புகளுக்காக அனுப்புவதற்கான கோட்டா இம்முறை கிடைத்துள்ளது.

ஜனாதிபதி மஹிந்த ராஜபக்ஷ அவர்களுக்கு தென்கொரிய அரசு உறுதிமொழியளித்துள்ளது.

இதன்படி கொரிய மொழி பரீட்சைகளையும் நடத்த இலங்கை வெளிநாட்டு வேலைவாய்ப்பு பணியகம் நடவடிக்கை எடுத்துள்ளது.

கடந்த வருடமும் 15 ஆயிரம் பேரை கொரியாவுக்கு அனுப்பும் கோட்டா இலங்கைக்கு கிடைத்திருந்தது. எனினும், பெரும் எண்ணிக்கையானவர்கள் கொரிய மொழி பரீட்சையில் சித்தியடையாததால் பலர் செல்லமுடியாது போனது. எனவே, அடுத்த வருடம் செல்லவிருப்போருக்கு மொழிப் பயிற்சிகளை முழு அளவில் வழங்க வெளிநாட்டு வேலைவாய்ப்புப் பணியகம் நடவடிக்கை எடுத்துள்ளது.

கொரிய மொழிப் பரீட்சைக்குத் தோற்றுவதற்கான விண்ணப்பப் படிவங்கள் பிராந்திய அலுவலகங்களிலும் விநியோகிக்கப்பட்டன. எனினும், அவற்றை அந்தப் பகுதிகளில் பெறாமல் அனைவரும் கொழும்புக்கு வந்ததாலேயே இந்த நெருக்கடி நிலை ஏற்பட்டது என இலங்கை வெளிநாட்டு வேலைவாய்ப்புப் பணியகம் தெரிவிக்கிறது.

கொரிய மொழி பரீட்சைக்குத் தோற்று பவர்களுக்கான விண்ணப்பப் படிவம் விநியோக்கும் நடவடிக்கையை நேற்று பணியகம் ஆரம்பித்தது.

கொழும்பு ஹெவ்லோக் டவுணிலுள்ள பொலிஸ் மைதானத்தில் இதற்கான விண் ணப்பங்கள் விநியோகிக்கப்பட்டன. கொழும்பு உட்பட வடக்கு, கிழக்கு, தெற்கு என பணியகத்தின் பிராந்திய அலுவலகங்கள் ஊடாக சுமார் 28 நிலையங்களில் விண் ணப்பப் படிவங்கள் நேற்று வழங்கப்பட்டன.

ஏனைய பகுதிகளில் அமைதியாக இந்த நடவடிக்கை நடைபெற்றாலும் கொழும்பில் பெரும் குழப்ப நிலை ஏற்பட்டது. விண்ணப்பப் படிவத்தை பெறு வதற்காக வெளியிடங்களிலிருந்தும் வந்த இளைஞர்கள் முதல் நாளன்றே வந்து இரவு பொலிஸ் மைதானத்துக்கு வெளியே காத்து நின்றனர்.

விண்ணப்பப் படிவங்கள் விநியோகிக்க ஆரம்பமான போது கூட்டம் அலைமோதி யது மட்டுமல்ல ஹைலெவல் வீதி வாகன நெரிசல் காரணமாக ஸ்தம்பித்துப் போனது. பொலிஸாருக்கும் கூட்டத்தைக் கட்டுப்படுத்த முடியாததால் பெரும் சிரமம் ஏற்பட்டது. இளைஞர்கள் பொலிஸாருடன் மோதலில் ஈடுபட்டனர். இதனால் குழப்ப நிலை ஏற்பட்டது.

எதிர்பாராத அளவு கூட்டம் வரவே விண்ணப்பப் படிவங்கள் போதாத நிலையும் ஏற்பட்டது. இதனால் ஆத்திர மடைந்த இளைஞர்கள் ஆர்ப்பாட்டத்தில் ஈடுபட்டனர். இவர்களை அடக்குவதற்காக பொலிஸாரும் வரவழைக்கப்பட்டனர்.

அதன் பின்னரும் மேலதிகமாக விண் ணப்பப் படிவங்கள் கொண்டு வரப்பட்டு விநியோகிக்கும் நடவடிக்கைகள் நடை பெற்றன.

கடந்தாண்டு 25,000 பேர் கொரிய மொழி பரீட்சைக்குத் தோற்றினர். இவர் களில் 5000 பேர் மட்டுமே சித்தியடைந்தனர். இம்முறையும் சுமார் 30 ஆயிரத்துக்கும் மேற்பட்டோர் பரீட்சைக்கு தோற்றுவார்கள் என எதிர்பார்க்கப்படுகிறது. விண்ணப்பப் படிவங்கள் எதிர்வரும் 11ம் திகதி வரை இலங்கை வெளிநாட்டு வேலைவாய்ப்பு பணியகத்தின் பிராந்திய அலுவலகங்கள் ஊடாக வழங்கப்படவுள்ளது.