இரும்பு திருடிய இவன் இரும்பு மனிதனா?

இரும்பு திருடிய இவன் இரும்பு மனிதனா?
சிலர் தங்க நகைகளை, இரத்தினக் கற்களை திருடுவார்கள். வேறு சிலர் வர்த்தக நிலையங்களிலும் வங்கிகளிலும் பணத்தை கொள்ளையடிப்பார்கள்.

ஆனால், இந்தத் திருடன் தூக்கிச் செல்வதற்கு கடினமான பொருட்களை திருடியிருக்கிறான். இந்தத் திருடன் அக்மனையில் உள்ள இலங்கை போக்குவரத்து சபையின் டிப்போவில் தனது கைவரிசையை காட்டியிருக்கிறான்.

இந்த டிப்போவில் தேவையற்ற இரும்புக் கம்பிகளும், ஏனைய இரும்புப் பொருட்களும் ஓரிடத்தில் குவித்து வைக்கப்பட்டிருப்பதைக் கண்ட இந்தத் திருடன் அவற்றை எடுத்துச் சென்றால் கொள்ளை இலாபம் அடைய முடியுமென்று நினைத் தான். இந்த இரும்பு பொருட்கள் சம்பந்தப்பட்ட டிப்போவின் முகாமையா ளரினால் பொது ஏலத்தின் மூலம் விற்பனைக்காக வைக்கப்பட்டிருந்தன.

இவன் ஏதோ சட்டப்பூர்வமான கொந்தராத்துக்காரனைப் போல் நடித்து டிப்போவின் முள் வேலியை உடைத்தெறிந்து தனது வாகனத்தில் உள்ளே வந்து அதில் இந்த இரும்பு பொருட்களையும், இரும்பு கம்பிகளையும் ஏற்றிச் சென்றபோது அவனை பொலிஸார் மடக்கிப் பிடித்தனர். இப்போது அந்த இரும்பு பொருட்களும், வாகனமும் பறிமுதல் செய்யப்பட்டுள்ளன. இந்தத் திருடன் நீதிமன்றத்தில் தண்டனைக்காக விளக்கமறியலில் காத்திருக்கிறான்.